دليل الاجئ السوري في المانيا


دليل_المانيا

الفيزا و الإقامة:  
تحتاج الى تقديم طلب في السفارة.
-نصائح بخصوص الفيزا أو الإقامة:

اهم شيء و اكبر مشكلة للحصول على الفيزا هي وجوب فتح حساب مصرفي في المانيا يحتوي على 8000 يورو، وفي حال عدم توفر المبلغ ممكن تقديم كفالة من شخص مقتدر ومقيم في ألمانيا .
الحساب البنكي يجب أن يكون حساب محجوز .. أي لا يمكن اعادة سحب المبلغ كامل بعد القدوم لألمانيا ويسمح شهرياً بسحب مبلغ 650 يورو .
لفتح الحساب البنكي من خارج ألمانيا هناك طريقة واحدة فقط ... الحصول على قبول جامعي ومراسلة بنك Sparkasse  حصراً في المدينة التي تم الحصول على القبول الجامعي منها وطلب ما يسمى ب Sparkonto
بسبب الحصار على سوريا ما في غير بنك واحد عم يرضى يفتح للسوريين حساب بالبنك اسمو sparkasse
و ﻻزم تجيبلن معك شي يثبت انو مصاريك مو جاية من طرفي النزاع بسوريا ..

المهم القدوم واذا القادم بشكل رسمي ممكن يعمل تمديد للاقامة بالمدينة هون بدون ما يكون مقدم طلب لجوء وذلك يكلف استمارات ورسوم 70 يورو وصور شخصية وهيك 
.
 حاليا ممكن ياخذ تمديد بسهولة بس كمان بعد فترة بدو يرجع يجددو او حسب شو بتكون الاوضاع .
تقديم الاوراق بالشكل المطلوب والصدق بالتعامل والصدق بكامل المعلومات

الاقامة:
تختلف من ولاية لأخرى ومن وضع لآخر ... لكن يمكن الحصول عليها وتجديدها طالما الشروط المطلوبة متوفرة .

أفضل أنواع اللجوء ضمن هالبلد: هناك نوعان للجوء" انساني- سياسي"
يجب أن يكون الشخص داخل المانيا 
للتقديم على اللجوء الانساني.
الانساني بيكون عادي ومو كتير صعب
اما السياسي بدو اثباتات كتير
وبعدين الاتنين حسب راي الحكم بعد قراءة الادلة والاستجوابات  ...
اللي موجود بألمانيا بفيزة طالب ما بيقدر يقدم على اقامة ولا بيرضو يحكو معو دغري بقولولو روح للدائرة المسؤولة عن الطلاب ما دخلنا و الأفضل انو الواحد يجي بفيزة شينغن سياحية وما شرط انها تكون صادرة من ألمانيا.. من وين ما كانت تكون.. المهم انك توصل عألمانيا بس مو بفيزة طالب.
ويكون القدوم على برلين لأنها الوحيدة يلي بتمنحك اقامة بالمانيا ومؤخراً فرانكفورت بدأت بمنح الاقامات ..

السكن:

أفضل مناطق السكن التي تناسب السوريين: سارلاند-ويكولن - كرويزبرج- ويدينغ هي فيها مزيج من عرب واتراك والمانولاية النورد راين فيست فالين Nordrein Westfallen
الايجارات:

من أهم الميزات هنا هو الكلفة المنخفصة نسبيا للإيجارات
          
   وسطي آجار استوديو:200-400 يورو.             وسطي آجار غرفة نوم وصالة: 350 - 550 يورو.             وسطي آجار شقة من غرفتي نوم وصالة: ابتداء من 500 - 600 يورو.
متى ما وصل الواحد عبرلين يدور على بيت يستأجرو.. الدوارة عالبيوت مالا سهلة.. والبيوت مانا رخيصة.. بس ممكن الواحد يدور على سكن مشترك بكون ارخصلو. انو يلاقيلو شي بيت ساكنين فيه ناس وبدهن حدا معهن.. ما بتفرق الطريقة المهم انو يستأجر بيت وياخد عقد ايجار
بدي نبه على شغلة كتير ضرورية.. أهمية عقد الايجار.. وتحاكي صاحب البيت بموضوع العقد قبل اي شي.. لأنو في كتير ناس هون بتأجر بيوتها بطريقة مو صحيحة او مو قانونية (يعني هو ما بيحقلو يأجر البيت) وما بيقدر يعطيك عقد وبتكون ما استفدت من البيت كلو.
متى ما الواحد استأجر البيت بياخد العقد وبيروح على ال Rathaus يعني البلدية بالالماني وكل منطقة في الها بلدية وفي بلديات ما بتاخد غير بمواعيد وفي بلديات بتشوف مين ما كان.. بدو الواحد يسأل وما شرط انك تروح عنفس البلدية اللي تابعتلها منطقة بيتك.. انا اللي بعرفها بلدية اسمها Reinickendorf هي بتشوف المراجعين بلا مواعيد بس المهم تروح الصبح بكير.
وبدي نبه على كمان شغلة.. لازم تاخد معك حدا بيعرف يحكي الماني عالبلدبة.. لأنو حتى ازا الموظف بيعرف يحكي انكليزي وبيفهمك تمام ما بيرضى يحكي غير ألماني ولا عندو استعداد يناقشك بالانكليزي.. دغري بيلتئم بيقلك روح جيب معك حدا بيحكي الماني.
المهم بالبلدية بتاخد معك عقد الايجار (لازم تكون مدتو مو اقل من 3 شهور) وجواز سفرك وبتقلهن بدي اعمل شي اسمو Anmeldung يعني تسجيل سكن..
العمل:
متوفر في حال تعلم اللغة ووجود خبرة في مجالات محددة مع التنبيه على ان اللغة عامل اساسي
طبيعة العمل في البلد: تتطلب التزام كبير بالدوام و الأخلاق الجيدة

ابتداء من 500 للمهن ،  بين 1000 – 5000 للجامعيين

وضع الراتب الراتب مع الحياة الاجتماعية:  جيد.

اللغة:
الألمانية بالدرجة الاولى
الانجليزية
العملة المحلية: يورو 

المصروف:
-وسطي المصروف للشخص الاعزب من طعام وحاجات يومية: 20 الى-50 يورو يومياً تشمل المواصلات والتأمين
-
وسطي المصروف للعائلة من 4 اشخاص من طعام وحاجات: 100 الى 150 يورو يومياً
الدراسة:
الدراسة في ألمانيا شبه مجانية.
 القسط الفصلي للجامعات يتراوح بين 250 و 500 يورو فصلياً وهو يغطي أيضا المواصلات العامة بشكل مجاني للطالب داخل مدينته وفي بعض الأحيان داخل الولاية ككل "جامعة ماربورغ وجامعة ماينز وجامعة هايدلبيرغ" ..
-اشهر الجامعات : سارلاند في ساربروكن و كلية الطب في هومبورغ
                        برلين في - فري يونيفرستي اوف برلين
                        برلين التقنية همبولد يونفرستي


- اللغات المطلوبة للدراسة: الإنجليزية, الألمانية
-منح دراسية:  في كذا مؤسسة بتعطي منح اشهرها DAAD
وللمزيد من التفاصيل عن الدراسة بالمانيا ممكن تزور اللينك هونhttps://www.facebook.com/photo.php?fbid=748686498492735&set=pb.564780280216692.-2207520000.1389827086.&type=3&theater

تكاليف الدراسة والتكاليف المعيشية في ألمانيا
تتراوح تكاليف دورات تعلم اللغة الألمانية بين 300 و 500 يورو لكل دورة والتي تتراوح بين 6-8 أسابيع حسب المعهد.
تتراوح التكاليف المعيشية للطالب في ألمانيا بين 600 و 700 يورو شهرياً متضمنة السكن وكل المصاريف الأخرى من مأكل ومشرب وملبس.
وبمعنى آخر يكفي مبلغ 8000 يورو وكحد أقصى 10 آلاف يورو سنوياً لتغطية كل تكاليف الدراسة والمعيشة في ألمانيا.

عمل الطلاب في ألمانيا
يمكن للطلاب العمل في ألمانيا لمدة 1000 ساعة سنوياً حسب قانون العمل الجديد الصادر في الأول من تشرين أول / أكتوبر عام 2012، أي 120 يوم عمل بدوام كامل في السنة.
يمكن للطلاب العمل في مجالات متعددة مثل المطاعم والحانات والفنادق ودور السينما والمسرح والبنوك. كما يمكن أيضاً للطلاب العمل ضمن الجامعات كمساعدين ضمن المخابر أو فنيين في حال توفر الخبرة اللازمة ومستوى لغة معين.
يتراوح أجر ساعة العمل للطلاب بين 3  الى 7 يورو في الساعة وقد يصل أحياناً لـ 10 يورو حسب الولاية وطبيعة العمل، فسعر الساعة قليل نسبياً في الولايات الشرقية مقارنة مع الولايات الغربية حيث أن الحياة المعيشية أرخص في الولايات الشرقية.
يغطي عمل الطلاب حوالي 80  او 90 % من المصروف السنوي للطالب وتصل النسبة إلى 100% في أحيان كثيرة.

الطعام:

افضل مكان لشراء الطعام: كل منطقة فيها كفايتها من المحلات في محلات عربية معقولة والتركية و فيهن لحم
حلال وتازة واغراض عربية في ليديل كسلسلة سوبر ماركات رخيصة وفي ريفي كتير منيح وشوي اغلى نسبيا وكمان كيسر نفس الشي اغلى شوي من ريفي.
ارخص السوبر ماركات Aldi – lidl – netto،   ارخص أكلة هي الدونر ( الشاورما التركية) تتراوح بين 2.5 الى 4 يورو.
لشراء اللحم و الخبز العربي و بقية المنتجات الشرقية (لبن ،لبنة.....) البقال التركي.
و باقي الأشياء يفضل شراؤها من المحال الالمانية (الاسعار افصل)
اللحم والدجاج: كل المدن يتوفر فيها،بهومبورغ .. السوبر ماركت التركي..
وسطي سعر الوجبة للشخص الواحد: 4 الى-15 يورو.
أفضل المراكز التجارية: الاسعار كلها متقاربة-للتياب س اند أ -
ALDI لاكل، C&A – TK MAX
الاتصالات والمواصلات:

اهم وسيلة اتصال في البلد بين بعضهم البعض: الخطوط الخليوية
افضل شركات الخطوط الخليوية: 
O تقدم عروض قوية
افضل طريقة للواحد يتنقل بهالبلد: وسية نقل عامة – مترو- باص
شهادة القيادة المعترف عليها: ألمانية أو من دولة معترف فيها وذلك لا يشمل الشهادة السورية  لكن يمكن تعديل الشهادة السورية وبالتالي بتنخفض القيمة للنصف
تكلفة رخصة القيادة: 2500 الى 3000 يورو.
تعديل عالشهادة السورية 1000 الى 1500 يورو
حجز الطيران: الحجز المسبق اون لاين بيكون ارخص شي
رقم سفارة سورية:
30501770
رقم الطوارىء:112
رقم الشرطة:110

الصحة:

-افضل المشافي :المشافي الحكومية  مقبولة الاسعار.
-افضل شركات التأمين الصحي: 
TK-AOK

نصائح عامة:لا تاخذ كتير غراض .. في كل شي..
يجرب يشتغل وما يامن بس ياخذ لجوء ومساعدة
كتير لازم تكون لطيف ولبق بالتعامل مع الألمان .
ما تفكر تعيش بالبلد بلا ما تتعلم لغة شو ما كان عمرك لانه اللغة صعبة وكتير بيفكرو يعيشو هون بلا ما يتعلموها وهي من اسوأ الشغلات اللي ممكن الواحد يفكر فيا
سمعة السوريينجيدة وأحسن من غيرن بكتير

تعليقات

المشاركات الشائعة من هذه المدونة

السفارة السويدية في تركيا تفتح باب تقديم الجوء للسوريين

التسجيل لتوزيع اللاجئين الفلسطينيين على أميركا وأوروبا